---

Contexto

---

DesOrdes Creativas é un festival internacional de arte na rúa que se celebra cada ano en Ordes (A Coruña, Galiza, Spain) e que reúne en cada edición a unha coidada selección de artistas do millor do panorama galego, estatal e internacional.

O Festival actúa como unha eficaz ferramenta de rexeneración urbana e diálogo social, que convirte vellos espazos en desuso ou abandoados en novos lugares cheos de vida e cor pra o desfrute colectivo. Un grande museo público e gratuíto a ceo aberto.

---

Experiencia

---

Durante tódolos días do festival *s artistas convidad*s están pintando ou intervindo en distintos espazos da vila. *s visitantes poden moverse polas distintas localizacións pra ver traballar a*s artistas durante todo o proceso.

Na súa oitava edición DesOrdes Creativas completou a programación con máis actividades paralelas, tales como:

• 1ª Feira da Creatividade, onde se expuxeron e compartiron as distintas disciplinas artísticas e creativas que se estaban a desenvolver na comarca.
• Obradoiros: Durante tres xornadas tivo lugar o obradoiro participativo titulado  “Introducción á pintura e adaptación ao mobiliario urbano” impartido por un artista urbano e ilustrador, no que se achegou aos alumnos participantes as distintas técnicas de pintura mural.
• Concertos: con sesión vermú, música en directo e dj´s.