Contexto
Festigal é un festival de música que se celebra dende 2002 en Santiago de Compostela durante os días 24 e 25 de xullo co gallo da celebración do Día Nacional de Galicia. Está organizado polas asociacións de Galiza Nova e a Fundación Galiza Sempre, e nel adóitanse combinar os concertos con actividades culturais, lúdicas e deportivas, como presentacións de libros, debates ou obradoiros. O festival pon especial interese na potenciación de novas agrupacións musicais que se caracterizan por levar na súa identidade a música e a cultura galegas.
O festival aposta por ser escaparate da cultura galega, poñendo un especial interese no potenciamento das bases e no xerme de novas agrupacións. Deste xeito, as bandas que conforman o cartaz de cada ano caracterízanse por levar na súa identidade a música e a cultura galega, incorporando innovacións á tradición.
Experiencia
Ademais da súa vertente musical, o Festigal apostou nos últimos anos por servir de “escaparate” á actividade dos centros sociais e asociacións culturais galegas.
Ás habituais presentacións de libros e creacións culturais e ás táboas redondas da “galería das ideas” engádíuse o espazo deportivo, con exibicións de loita medieval galega, e un triangular de fútbol gaélico, un deporte de recente implantación.
Cada edición conta cunha notable afluencia de público tanto aos concertos como aos espazos culturais e á zona de xantar, de arredor das 100.000 persoas que se achegan de toda Galiza.
DESTACADO POR:
- Ser pioneiro na creación dun espazo de posta en valor multidisciplinar da produción cultural galega.
- O seu éxito de público ao longo do tempo.
