Contexto
A Asociación de Amigos do Jazz, máis coñecida como Escobijazz, vén celebrando desde 1989 este festival, copatrocinado polo concello de Lugo, a consellería de Innovación e Industria e a Fundación Caixa Galicia.
Os afeccionados do Jazz poden desfrutar de multitude de actuacións que se desenvolven ao longo dunha semana en Lugo, entre o Círculo das Artes, o club Clavicémbalo ou o Auditorio de Caixa Galicia.
Artistas de importante talla internacional visitan a capital lucense cada ano convocados por este festival, que goza dun notable recoñecemento tanto na cidade como no estranxeiro.
Experiencia
Ademais, a concellería de Educación organiza unha serie de concertos didácticos destinados aos estudantes do último ciclo de Primaria e ao primeiro ciclo de Secundaria para que descubran algúns dos principais segredos do jazz.
Nestas actuacións, que se celebran no Cículo das Artes e ás que asistiron -cada unha das súas últimas edicións- máis de mil rapaces e rapazas de todos os colexios da cidade, fálase sobre os estilos máis coñecidos do jazz, a función de cada instrumento e as características de cada músico a través de exposicións participativas que inclúen aos nenos e nenas na representación.
A edición de 2015 do Festival de Jazz de Lugo reuníu a máis de 7.500 espectadores, con cheo practicamente absoluto en todos os concertos.
DESTACADO POR:
- Con case 30 anos de historia, é unha das citas de referencia co Jazz en Galicia.
- Desenvolve unha importante actividade paralela didáctica entre os nenos e nenas da cidade.
Profesionais para seguir o fío:
- José Luis Díaz
- Alberto Grandío
