---

Contexto

---

O territorio orixinario de Ponte…nas ondas! é a Eurorrexión Galiza-Norte de Portugal. As actividades fóronse proxectando para outros países (nomeadamente a lusofonía) coa aparición de Internet.

O proxecto de comunicación interescolar orixinario deu pé a desenvolver non só experiencias de radio interescolar senón tamén a realizar actividades de dinamización e transmisión do patrimonio común galego-portugués. A posta en valor deste patrimonio tivo a súa máxima expresión coa presentación da Candidatura do Patrimonio Inmaterial Galego-Portugués diante da UNESCO no ano 2004.

Inicialmente os destinatarios das actividades foron os centros educativos de todos os niveis de ensino, incluída a universidade. Co inicio das actividades de dinamización do patrimonio extendemos a proxección a toda a sociedade da Eurorexión.

---

Experiencia

---

Ponte…nas ondas! é unha asociación cultural e pedagóxica que nace no ano 1995 a partir dunha primeira experiencia de radio interescolar entre centros educativos das dúas beiras do río Miño.

Desde entón as actividades fóronse ampliando a outros ámbitos xuntando nunha fórmula única o traballo coa educación, as TICs, o patrimonio cultural e os medios de comunicación.

Entre as actividades máis destacadas realizadas ao longo das dúas décadas están:

• Xornadas de radio interescolar (realizadas 20 edicións).
• Certames de recolla do patrimonio inmaterial galego-portugués.
• Mostras da Oralidade Galego-Portuguesa.
• Actividades de dinamización do patrimonio común.
• Presentación da Candidatura do Patrimonio Inmaterial Galego-Portugués.
• Publicación do disco-libro- dvd “Meniños Cantores”.
• Congreso internacional “PONTES DE CULTURA, PONTES DE FUTURO (Vigo, Melgaço, 2010).
• Proxecto CORES DO ATLÁNTICO. Publicación de libro-disco e festival na Illa de San Simón.
• NA PONTE. Libro-disco-dvd sobre as dúas décadas de actividades e presentacións do “radiovisual” NA PONTE ao vivo.

Estas actividades contaron coa complicidade de artistas, profesionais dos medios e con entidades e institucións que colaboran habitualmente coa asociación. Este labor ten sido recoñecido cos seguintes premios:

• Premio Galicia de Comunicación (Xunta de Galicia 2005).
• Premio Bos e Xenerosos (AELG, 2005).
• Sello de buena práctica Iberoamericana (Ministerio de Educación de España, 2013).
• Premio ONDAS “pola mellor cobertura do patrimonio inmaterial galego-portugués “(Radio Barcelona, 2014).
• ONG consultora para o patrimonio inmaterial (UNESCO,2016).