Contexto
O Programa Institucional Inclusivo da Rede Museística Provincial de Lugo desenvólvese nos catro museos da Rede Museística, en toda a provincia de Lugo e as redes que se tecen no contexto de museos públicos inclusivos e accesibles, museos de comunidade.
Xorde da necesidade de reivindicar o “público” facendo accesibles tanto os espazos como os contidos dos catro museos a toda a cidadanía tendo como socixs ao tecido social e á comunidade.
Experiencia
Para a realización dun Programa Institucional Inclusivo integral (PII) como museos públicos, creouse un departamento de Capacidades diferentes e Accesibilidade desde onde se xestionan, a través da xerencia, os catro museos (Museo Provincial de Lugo, San Paio de Narla, Museo Provincial do Mar e Pazo de Tor).
No PII entendese o concepto de accesibilidade como un factor clave para a inclusión. Con el buscase cumprir a función social dos museos como institución pública. Isto é, que calquera persoa poda usalos e gozalos como usuarixs ou como traballadores .
As pautas de actuación levadas a cabo para realizar un “Museo con/para todxs” foron as seguintes
- Diagnose: O achegamento e diagnose dos museos. Cos colectivos e coa comunidade para propoñer solucións: coñecer ás persoas, coñecer as realidades.
- Organización: Procura de asesoramento e formación.
- Execución de plans, programas e proxectos en busca de solucións con avaliacións posteriores a cargo de axentes externos e medidas rectificadoras sempre que son precisas.
DESTACADO POR:
- A cidadanía son os protagonistas activos das actividades e exposicións.
- Estrutura de xestión autónoma, profesional e participativa.
- Accesibilidade da cultura e do patrimonio a todos os públicos.
- Apertura a novos públicos, para crear redes de traballo con outras institucións e con axentes artísticos, sociais e culturais.
