Contexto
A Sétima Feira celébrase no Mercado de Abastos de Pontevedra.
Responde ás necesidades de promocionar a canteira creativa da vila, dinamizar unha zona en degradación e atraer públicos novos ao mercado.
Diríxese a*s nov*s creador*s (moda, artes plásticas, música, gastronomía…), comercio local e público xeral.
Experiencia
Sétima Feira é un mercado de creador*s emerxentes que se celebra cada segundo sábado de mes de 11 a 15h no mercado de abastos de Pontevedra. Pretende facer de escaparate da canteira creativa do país, mesturando moda, arte, música, gastronomía e comercio local.
SF é un espazo efémero que nace en febreiro de 2016 coa pretensión de transformar a zona da rúa Serra nun escenario comercial e cultural, onde convivan moda, comercio local, gastronomía, música, arte e animación, achegando un espazo a aquelas propostas creativas que buscan dar a coñecer o seu traballo.
DESTACADO POR:
- Mesturar acertadamente a promoción da canteira creativa coa dinamización do comercio local.
