---

Contexto

---

Os montes comunais, como as sementes, o folclore, ou o software libre son claros exemplos de procomún en tanto que existe unha comunidade que autoxestiona este ben de forma colaborativa, establecendo unhas normas que buscan garantir a sustentabilidade deste recurso.

Os MVMC (Montes Veciñais en Man Común) en Galicia representan unha modalidade de propiedade e de xestión dun ben, que rompe a clásica dicotomía público/privado. O específico destes montes vén determinado polo feito de que a propiedade recae na comunidade de veciños que residen de forma cotiá nese territorio.

---

Experiencia

---

Montenoso  é un proxecto poliédrico que conta con profesionais da comunicación, as artes dixitais, a produción de eventos, o audiovisual e o deseño.

Está  impulsado por asociacións e colectivos con ampla traxectoria en eidos diversos da cultura contemporánea como son a axitación social e cultural, a comunicación dixital e a investigación aplicada. É por iso que queremos partillar o proceso do proxecto cxs comuneirxs, para  construir xuntxs os dispositivos que permitan acadar os obxetivos de  visibilidade, revalorización, reapropiación e disfrute do monte en  mancomún.

Existe a posibilidade de colaborar con comunidades con necesidades específicas a través dunha serie de dispositivos e  ferramentas que consideramos interesantes para a dinamización e  visibilidade dos MVMC, mais estamos abertxs a outras necesidades e propostas requeridas polas comunidades.

Este proxécto é totalmente transparente e podes acceder a todos os seus contidos.